المشاركات
ناس عجايز .. بالقلب مش بالوشوش
و كل شئ جايز .. فى قلوب ما بيرحموش
يا رب أموت ... و الذل يوم ما شوفهوش
------------------------------------------
فرح و ليــــــــــــلة .. و فستــــــــان ابيض و طرحة
ناس بتغنى أغانى عليلة .. و ناس بترقص ورا الزفة
و ناس بترســــــــــم .. بسمة على الوشـــوش
لكن ايه فى القلب .. . ده اللى انت ما تعرفوش
ناس عجايز .. بالقلب مش بالوشوش
---------------------------------------------------
و لد جميل عيونه سود .. تشبه ليلى و قمرى اللى ما شوفتوش
بتجرى على خدوده دمعة ... اصله عرف ان الدنيا ضيقه
ما تساعهوش
ناس عجايز .. بالقلب مش بالوشوش
---------------------------------------------------
بنت جميلة وسط الزحمة بتفوت .. لو خافت من النور تموت
بتجرى و هى حاضنه حلـــــم ... تسمع يوم صوت السكوت
اصل زمان عرفت ان النجوم .. هى بس اللى بتتكلم من غير صوت
و تجرى و تفوت
كل ما تشوف مكان ضلمه ... تجرى عليه و تنور شمعه
و تبكى من غير صوت .. و كمان من غير ولادمعه
اصل هى عرفت .. ان البكا يعنى سكوت
يا ناس اتكلموا ما تسكتوش
ناس عجايز .. بالقلب مش بالوشوش
------------------------------------------------
من كام سنة كنت هنا .. و كنت صغير انا
حتى الكلام كنت ما اعرفهوش
و النهارده جيت نفس المكان .. اللى ما بقاش زى زمان
شجر التوت بيموت ... و الورد بيداس
و قطر العمر بيفوت .. و الود يعنى أحساس
و قلبى ضـــــــــاع..... من اعز الناس
الكل داس عليه ... اللى اعرفه و اللى ما أعرفوش
ناس عجايز .. بالقلب مش بالوشوش
----------------------------------------------
يا ابنى اسمع كلامى و إياك تنسى ... انت العمر طويل قدامك لسه
اوعى فى يوم على حد تقسى .. و اياك و قلة الأصل و الخسه
ده انا بتمنى الموت ... و الذل يوم ما أعرفوش
ناس عجايز .. بالقلب مش بالوشوش
ليست هناك تعليقات:
إرسال تعليق